Er þetta kerfi að virka?

Innflytjendalög: Það kerfi sem farið er eftir í dag er langt í frá að virka sem skyldi. Svo virðist sem hættulegir glæpamenn geti komið inn í landið án athugasemda yfirvalda. Engu virðist breyta þótt þeir hafi langan brotaferil að baki í heimalandinu. - Frjálslyndi flokkurinn benti á ýmislegt sem betur mætti fara í þessum málum, í kringum síðustu kosningar. Viðbrögðin voru athyglisverð.

Pólitískir andstæðingar Frjálslynda flokksins notuðu þessar undarlegu aðferðir í sinni kosningabaráttu, orð eins og "rasisti" eða "ala á ótta við innflytjendur" og svo framvegis, um málflutning frjálslyndra. Frjálslyndir bentu á ýmsar úrbætur á kerfinu og hófu að ræða innflytjendamálin á gagnrýninn hátt, en í stað málefnanlegrar umræðu um málið uppskáru þeir frá öðrum flokkum, þessar undarlegu ásakanir um rasisma. Mjög sérstakur málflutningur hjá mörgum, sérstaklega þá flokksmönnum Samfylkingarinnar & VG.

Í dag er ástandið hinsvegar í þessum málum, mun verra!

http://www.visir.is/article/20080915/FRETTIR01/320187942

Ekki hefur farið fram hjá neinum fjöldi alvarlegra glæpa frömdum af útlendingum hér á landi síðustu daga, hættulegar árásir bæði á almenning og lögreglu. Það hljóta allir að skilja að eitthvað þarf að breytast í þessum málum. En þetta er samt ekkert nýtt af nálinni.

Frjálslyndi flokkurinn varaði nefnilega við þessu í kringum síðustu kosningar, að m.a ef ekki væri athugaður bakgrunnur fólks sem hingað kæmi að þá kæmu hiklaust glæpamenn til Íslands sem nýttu sér þennan galla í kerfinu. Síðan ef þeir eru handteknir að þá tekur við annað gallað kerfi. Dómskerfið. Ég hef ekki tölu á því hve margir sluppu úr landi eftir alvarleg afbrot hér á landi í svokölluðu farbanni. Fórnarlömbin sátu eftir með sárt ennið.

Í stað þess að hlusta á málflutning Frjálslynda flokksins var þetta notað gegn honum í baráttu um atkvæði.

Lögreglan og stjórnvöld hljóta að bera ábyrgð á því hverjum þeir hleypa út á göturnar. Ef einstaklingi sem er með til dæmis, á sakaskrá sinni dóma fyrir alvarlegt ofbeldi, nauðganir eða morð jafnvel, er þrátt fyrir það hleypt til landsins og hann ekki stöðvaður í Leifsstöð og sá einstaklingur brýtur síðan alvarlega af sér hér á landi að þá hljóta stjórnvöld að vera ábyrg.

Ég vona í kjölfar þessa sé hægt að ræða innflytjendamál hér á landi án þess að fá yfir sig ásakanir um kynþáttahatur. Ég held að allir sjái í dag að upp er komið vandamál og ef það á ekki að versna að þá þarf að bregðast við.

Höfundur er í stjórn LUF.

Athugasemdir

[Páll (IP-tala skráð) 18.9.2008 kl. 15:52]

hjartanlega sammála, mikill sannleikur í þessum pistli.

Fréttirnar að undanförnu hafa sýnt framá að þetta kerfi virkar ekki og það þarf að breyta því.

[Landssamband ungra frjálslyndra, 21.9.2008 kl. 15:47]

Takk fyrir ykkar innlegg.

það eru mjög margir sem ekki skilja innflytjendaumræðu Frjálslyndaflokksins. Þar er svo sannarlega ekki verið að ala á hatri gegn útlendu fólki sem hér á landi býr, heldur meðal annars verið að gagnrýna hversu auðvelt "svörtu sauðirnir" eiga með að koma til landsins og fremja hér alvarlega glæpi.

Hvenær ætla síðan einfeldningarnir að gera greinarmun á því að vilja hertari innflytjendalöggjöf með bættu eftirliti, og síðan kynþáttahatri og rasisma.

Ég er orðinn gífurlega þreyttur á þeirri rökvillu sem margir sem tengja sig við vinstri pólítik notast við í gagnrýni sinni á Frjálslynda flokkinn.

Stjórnarmaður LUF

[Heba Pétursdóttir (IP-tala skráð) 26.9.2008 kl. 21:13]

Heyr hey - nóg að líta til Evrópulanda nær til þess að sjá öll yfirgnæfandi vandamál meðfylgjandi gölluðu innflytjendakerfi... ótrúlegt að núverandi íslensk stjórnvöld velji að aðhafast ekkert og eru þar af leiðandi að drekka úr sama drullupolli og td danir... En hva, vippum bara upp nokkrum gámum utanum erlenda glæpamenn sem eru í afplánun hér á landi, vandinn leystur, ekki satt?.....