Ekki Evrópusambandið

Það virðist sem við séum einmitt að sjá núna glæðurnar af þessu blessaða Evrópusambandi en það er einmitt þessi Evrópusambandsreglugerð sem Hjúkrunarfræðingarnir okkar vilja ekki fá hingað til Íslands.

• Hjúkrunarfræðingar mótmæla vaktareglugerð ESB.
• Vörubílstjórar mótmæla Evrópureglugerðinni hvað varðar skylduhvíldartíma á 4,5 klukkustunda fresti.
• Smábóndinn mótmælir nýju matvælareglugerð ESB sem krefur um milljónir í aukaútgjöld vegna eftirlits.
• Sjómaðurinn mótmælir sjávarútvegsstefnu ESB.
• Aðrir mótmæla ESB vegna þeirra þjóðarauðlinda sem færu á opinn markað innan ESB.

Á sama tíma lofsama örfáir stórfyrirtækjaeigendur ESB og af hverju ætli það sé? Ætli það sé ekki bara útaf því að lagaumhverfi ESB er sniðið fyri stórfyrirtæki.

Við Íslendingar sitjum á auðæfum og við þurfum að verja þær.

• Það er búið að stela af okkur fiskinum en enn sem komið er þurfum við ekki að fara í millilandadeilur til þess að ná honum til baka.
• Það er verið að stela orkunni en enn sem komið er þurfum við ekki að fara í millilandadeilur til þess að ná henni til baka. 
• Næstkomandi nóvember á svo að stela vatninu með lögbundnu eignarhaldi á vatni.
• Fari svo að við göngum í ESB munum hvernig verður þetta þá, geta þeir sem eiga fiskikvótann ekki bara selt hann úr landi, geta ekki þeir sem eiga orkuframleiðslufyrirtækin selt þau úr landi, geta þeir sem eiga vatnsréttindi ekki bara selt þau úr landi, geta þeir sem eiga jarðir ekki bara selt þær úr landi.

Sá verslunareigandi sem leyfir þjóf að fara ránshendi um verslun sína mun að lokum tapa henni.

Ef við Íslendingar förum ekki að verja okkar eigur þá munum við að lokum tapa þeim.

Viðar H. Guðjohnsen

http://luf.is

Landssamband ungra frjálslyndra hefur eignast sína eigin vefsíðu, http://luf.is .

Vefsíða þessi mun gegna mikilvægu hlutverki í starfi sambandssins.

Á vefsíðunni er hægt að nálgast upplýsingar um stjórn, lög, stefnu og ályktanir sambandssins.

Þá verður einnig að finna á henni tengslanet ungra frjálslyndra í skólum og sveitafélögum landsins.

Í komandi framtíð verða settar inn greinar, ljósmyndir, hljóðefni og myndefni sem tengjast íslenskum stjórnmálum. Það efni verður hægt að nálgast undir tenglinum fjölmiðlun vinstra megin á síðunni.

Þá verða mikilvæg fundarboð einnig settar inn á vefinn.

Aðalfundur Landssambands ungra frjálslyndra

Aðalfundur Landssambands ungra frjálslyndra fór vel fram í gær.

Mikill einhugur ríkti meðal fundargesta um innflytjendamálin annars vegar svo og afstöðu Landssambands ungra frjálslyndra gegn Evrópusambandsaðild.

Var stefnan tekin á að halda opinn umræðufund um innflytjendamálin stuttu eftir páska.

Þá var einnig rætt um spillingu innan stjórnsýslunnar sem sem og málefni höfuðborgarsvæðisins.

Kosin var 9 manna stjórn sambandsins á fundinum og lög samþykkt.

Stjórnina skipa:

Formaður : Viðar H. Guðjohnsen

Varaformaður : Ólafur Egill Jónsson

Gjaldkeri : Ellert Smári Kristbergsson

Almenn stjórnarseta: Einar Einarsson

Almenn stjórnarseta: Björn Júlíus Grímsson

Almenn stjórnarseta: Einar Valur Bjarnason Maack

Almenn stjórnarseta: Jóhann Kristjánsson

Almenn stjórnarseta: Árni Pétur Veigarsson

Skemmtilegir tímar eru framundan hjá ungum frjálslyndum og hvet ég alla áhugasama að skrá sig hægra megin á bloggsíðu samtakanna eða í síma 692-7867.

Aðalfundur Laugardaginn 8. mars - Framboð

Fundurinn verður haldinn í félagsheimili flokksins að Skúlatúni 4, Reykjavík, laugardaginn 8. mars kl. 16:00.

Eftirfarandi framboð hafa borist til stjórnar Landssambands ungra frjálslyndra:

• Til formanns: Viðar H. Guðjohnsen
• Til varaformanns: Ólafur Egill Jónsson
• Til gjaldkera: Ellert Smári Kristbergsson
• Til almennrar stjórnarsetu: Einar Einarsson
• Til almennrar stjórnarsetu: Björn Júlíus Grímsson
• Til almennrar stjórnarsetu: Einar Valur Bjarnason Maack
• Til almennrar stjórnarsetu: Jóhann Kristjánsson
• Til almennrar stjórnarsetu: Árni Pétur Veigarsson

Framboðsfrestur rann út í gær.

Dagskrá aðalfundarins:

• Formaður setur fund og lætur kjósa fundarstjóra og fundarritara.
• Formaður flytur skýrslu stjórnar fyrir liðið starfsár.
• Kosning.
• Lagabreytingar.
• Umræður og afgreiðsla fyrirliggjandi ályktana.
• Fundarslit.

Félag ungra frjálslyndra verður að landssambandi

Núverandi stjórn félags ungra frjálslyndra hefur ákveðið að breyta nafni sínu úr Félagi ungra frjálslyndra í Landssamband ungra frjálslyndra enda er félagið búið að stækka mikið síðan það var stofnað í október á síðasta ári og hefur sú stækkun kallað á breytta starfshætti.

Með þessari breytingu telur núverandi stjórn Félags Ungra Frjálslyndra, starfandi ungliðahreyfingu Frjálslynda flokksins, það auðvelda uppbyggingu ungliðastarfs á landsvísu.

Aðalfundur ungliðahreyfingu Frjálslynda flokksins sem haldinn verður laugardaginn 8. mars  næstkomandi verður því jafnframt fyrsti aðalfundur Landssambands ungra frjálslyndra.

Fundurinn verður haldinn í félagsheimili flokksins að Skúlatúni 4, Reykjavík, laugardaginn 8. mars kl. 16:00.   Þau framboð sem nú þegar eru komin á hreint eru:

• Til formanns: Viðar H. Guðjohnsen
• Til varaformanns: Ólafur Egill Jónsson
• Til gjaldkera: Ellert Smári Kristbergsson
• Til ritara: Þórdís Gunnarsdóttir
• Til almennrar stjórnarsetu: Einar Einarsson
• Til almennrar stjórnarsetu: Björn Júlíus Grímsson
• Til almennrar stjórnarsetu: Einar Valur Bjarnason Maack
• Til almennrar stjórnarsetu: Jóhann Kristjánsson
• Til almennrar stjórnarsetu: Árni Pétur Veigarsson

Framboð vantar í almenna stjórnarsetu og hvet ég alla áhugasama að hafa samband við mig.   Framboðsfrestur rennur út að óbreyttu næstkomandi laugardag 1. mars.

Dagskrá aðalfundar:

• Lög sambandsins samþykkt
  
• Framboð kynnt
  
• Kosningar

Endilega ef þið hafið áhuga á að taka þátt í stjórnarsetu og uppbyggingu á samtökunum sendið tölvupóst á [e-mail] eða hringið í síma 6927867.

Rétt til framboðs og setu á aðalfundi hafa félagsmenn LUF en þeir félagsmenn sem skráðir voru í Félag ungra frjálslyndra verða sjálfkrafa félagsmenn LUF.

Hægt er að skrá sig í Landssamband ungra frjálslyndra hægra megin á síðunni, eða í síma 692-7867.