Lög LUF

Lög Landssambands ungra Frjálslyndra

1.gr.

Nafn samtakanna er Landssamband ungra frjálslyndra og eru ungliðahreyfing Frjálslynda flokksins. Heimili samtakanna og varnarþing er í Reykjavík.

2.gr.

Markmið samtakanna er að vinna að þjóðlegri og frjálslyndri stefnu í stjórnmálum, með höfuðáherslu á frelsi og réttindi einstaklingsins, þjóðareign náttúruauðlinda landsins sem og sjálfstæðri stjórnun á innstreymi innflytjenda til Íslands.

3.gr.

Aðild að samtökunum getur átt ungt fólk á aldrinum 16-35 ára sem aðhyllist stefnu samtakanna og eru félagsmenn í Frjálslynda flokknum.

4.gr.

Aðalfundur samtakanna er haldinn árlega í októbermánuði. Til aðalfundar skal boða með minnst 3. vikna fyrirvara með auglýsingu á netsíðu flokksins og samtakanna.

5.gr.

Dagskrá aðalfundar er:

1. Formaður setur fund og lætur kjósa fundarstjóra og fundarritara.
2. Formaður flytur skýrslu stjórnar fyrir liðið starfsár.
3. Gjaldkeri gerir grein fyrir reikningum.
4. Umræður um skýrslu stjórnar og reikninga.
5. Reikningar bornir upp til samþykktar.
6. Kosning formanns og varaformanns
7. Kosning 7 meðstjórnenda.
8. Lagabreytingar
9. Umræður og afgreiðsla fyrirliggjandi ályktana.
10. Önnur mál.
11. Fundarslit.

6.gr.

Á aðalfundi skal kjósa 9 stjórnarmenn samtakanna til eins árs í senn. Þeir einir eru í kjöri sem gefið hafa kost á sér a.m.k. viku fyrir aðalfund. Formaður og varaformaður skulu kosnir sérstaklega. Kjörgengir til stjórnar samtakanna sem og kosningarétt á aðalfundi hafa allir sem skráðir eru félagsmenn viku fyrir aðalfund. Stjórn samtakanna skal halda félagsskrá og skal hún liggja frammi hjá trúnaðarmönnum á aðalfundi þannig að ganga megi úr skugga um það hvaða fundarmenn hafa kosningarétt og kjörgengi.

Stjórnin skiptir með sér verkum á fyrsta fundi eftir aðalfund og stýrir starfi samtakanna milli aðalfunda. Kjósa skal sérstaklega úr hópi stjórnarmanna eftirtalda trúnaðarmenn: Gjaldkera og ritara.  Stjórn er æðsta vald í málefnum samtakanna milli aðalfunda. Stjórnin skal halda félagsskrá og gangast fyrir öflugu félags- og þjóðmálastarfi, umræðum, fundum, ráðstefnum, útgáfu og ályktunum um þjóðmál. 

Boða skal til stjórnarfundar með 3 daga fyrir vara nema um reglulegan stjórnarfund sé að ræða sem stjórnin hefur komið sér saman um að haldinn skuli.  Einfaldur meirihluti ræður afgreiðslu mála á stjórnarfundi.

Löggildur endurskoðandi skal ganga frá fjárhagsbókhaldi samtakanna sem fer svo til samþykktar á aðalfundi.

7.gr.

Tillögur til lagabreytinga skulu berast stjórn eigi síðar en viku fyrir aðalfund og þarf 2/3 meirihluta þeirra sem sitja aðalfund að samþykkja lagabreytingartillögu til að hún nái fram að ganga.

8.gr.

Stjórn samtakanna getur vikið félaga úr samtökunum ef hann tjáir sig gegn stefnu samtakanna ítrekað eftir að hafa fengið áminningu stjórnarinnar.

9.gr.

Samtökin eru hluti af Frjálslynda flokknum og hlíta skipulagsreglum flokksins og hafa réttindi sem samtök ungra Frjálslyndra innan flokksins.

10.gr.

Á aðalfundi árlega skal stefna og meginverkefni samtakanna ákveðin fyrir næsta starfsár.

 

Gjört á aðalfundi í Reykjavík